Croeso i wefan Ysgol

Uwchradd Tywyn

Croeso i wefan Ysgol Uwchradd Tywyn, ysgol ddwyieithog ar gyfer dysgwyr 11 i 16 oed. Ein nod yw un o ragoriaeth ar gyfer pawb, gyda phob dysgwr yn cael pob cyfle posib i gyflawni i’r lefelau uchaf un. Y bwriad yw creu dysgwyr hapus, hyderus, uchelgeisiol, egwyddorol a gwybodus sy’n barod i chwarae eu rhan yn llawn yn eu bywydau a’u gwaith. Bydd gweledigaeth dryloyw gan staff a dysgwyr o fewn cymuned ddwyieithog clos, gydag ethos tîm a theimlad o falchder ac o berthyn. Bydd y weledigaeth yn paratoi dysgwyr am fyd sydd yn newid yn gyflym gyda phwyslais ar barch tuag at eraill ac ar werthoedd craidd gonestrwydd a theyrngarwch. Sicrheir hyn wrth ddarparu dysgwyr gyda’r sgiliau angenrheidiol o ddysgu’n annibynnol drwy gydol eu bywydau, ac o gyfrannu’n eang tuag at gymdeithas. Rydym y gwerthfawrogi’r gefnogaeth barhaol gan rieni, gan fod perthynas agos rhwng yr ysgol a’r cartref yn hollbwysig. Mae gan ysgol lwyddiannus ethos gofalgar, hapus, wedi ei seilio o amgylch systemau cryf o gymorth bugeiliol i’r holl gymuned, boed yn ddisgyblion, staff, llywodraethwyr neu’n rhieni. Does dim byd cymhleth yn hyn o beth - plant hapus, iach gyda llais yn eu hysgol yw’r rhai sy’n dysgu orau; felly mae’n bwysig sicrhau bod y gymuned ysgol gyfan gyda’r amodau orau bosib er mwyn llwyddo. Mae croeso ichi gysylltu gyda'r ysgol unrhyw amser gydag unrhyw gwestiynau - mae ein drysau pob amser ar agor.